«Milan» «Tottenxem» hujumchisi Stiven Bergvaynga qiziqish bildirmoqda, deb xabar beradi Calciomercato nashri.

Manba bergan xabarga ko‘ra, Italiya klubi yozgi transfer oynasida 24 yoshli gollandiyalik futbolchini sotib olish imkoniyatini ko‘rib chiqmoqda, inglizlar esa «Yuventus»dan Deyan Kulusevskini qo‘lga kiritgach, futbolchini 20 million yevroga sotishga tayyor.

2021/22 yilgi mavsumda Bergvayn «Tottenxem»ning 19 ta uchrashuvida qatnashib, 3 ta gol va 2 ta golli uzatmani amalga oshirdi. Transfermarkt portali futbolchini 18 million yevroga baholamoqda.