«Manchester Yunayted» hujumchisi Krishtianu Ronaldu o‘zining muvaffaqiyati haqida gapirdi.

«18, 20 yoki 25 yoshingda 35 yoshdagidek bo‘la olmasligingni tushunishing kerak. Ulg‘ayib, tajribang oshgani sari yo‘qotayotgan narsangni his etasan va uning o‘rnini boshqa narsa bilan to‘ldirish mumkinligini bilasan. Yuqori saviyada raqobatbardosh bo‘lish uchun to‘g‘ri balansni topa bilishing kerak.

Bu oson emas, ammo men uchun qiyin bo‘lmayapti. Chunki statistika yillar davomida gapirmoqda. Zo‘r ekanimni gapirishim shartmas, buning uchun statistika bor. Muhimi faktlar bor, qolgani ahamiyatga ega emas.

Mana nima uchun men o‘z formamdan qoniqish hosil qilyapman. Men hamon gol uryapman, terma jamoa va «Manchester Yunayted»ga yordam beryapman. Xuddi shunday ruhda davom etishni istayman», – dedi 37 yoshli portugaliyalik futbolchi.

Ronaldu «MYU»ga qaytganidan keyin barcha musobaqalar doirasida 29ta o‘yinda ishtirok etib, 15ta gol va 3ta assist muallifiga aylandi.