O‘zbekiston milliy jamoasi bosh murabbiyi Srechko Katanets Osiyo kubogi-2023 saralash bosqichiga tashlangan qur’a borasida o‘z fikrini bildirib o‘tdi.

"Qur’adan avval qog‘ozda favorit edik. Chunki FIFA reytingida O‘zbekiston terma jamoasi boshqalarga nisbatan yuqori o‘rinni egallagandi. Qur’adan keyin ham, fikrimcha, hamon favoritmiz. Ammo, o‘z tajribamdan kelib chiqib gapiradigan bo‘lsam, ehtiyot bo‘lishimiz kerak demoqchi emasman, iloji boricha musobaqaga yaxshi tayyorgarlik ko‘rishimiz, futbolchilarni ruhlantirishimiz kerak. Hali o‘yin boshlanmasdan turib g‘alaba qozonish mumkin emasligini o‘yinchilarga tushuntirishimiz shart. Shuning uchun futbolchilar bilan birga qattiq mehnat qilishimiz zarur. Agar yuqori darajada tayyorgarlik ko‘rmasak, "syurpriz"lar yuz berishi mumkin.

O‘zbekiston terma jamoasi odatdagidek Osiyo kubogi yo‘llanmasini qo‘lga kiritishi kerak. Yana bir marta takrorlayman, hech bir bahsni boshlamasdan turib yutib bo‘lmaydi. O‘zbekiston terma jamoasi favorit. Oldimizda turgan barcha o‘yinlarda g‘alaba qozonib, Osiyo kubogi yo‘llanmasini qo‘lga kiritish uchun futbolchilar va murabbiylar shtabi qo‘lidan kelgan barcha ishni qiladi. Tez orada Toshkentga yetib boraman va qolgan gaplarni o‘sha yerda gaplashamiz. O‘zbekistonning barcha fuqarolariga sog‘liq-salomatlik tilayman. Chunki bu eng muhimi. Tez orada ko‘rishamiz", — dedi Katanets O‘FA matbuot xizmatiga bergan intervyusida.