"Lids Yunayted" ustozi Marselo Byelsa tez orada o‘z lavozimidan ozod etilishi mumkin. Klub rahbariyati so‘nggi natijalardan g‘azabda.
Byelsa shogirdlari yaqindagina yakunlangan "Tottenxem"ga qarshi bahsda to‘rtta gol o‘tkazib yuborishdi. Raqib darvozasiga esa yo‘l topa olishmadi. Ushbu mag‘lubiyat qatorasiga uchinchi qaqshatqichi bo‘ldi.
"Lids" so‘nggi yetti kunda uchta o‘yin o‘tkazdi. Bu uchrashuvlarda esa jami 14 ta gol o‘tkazib, 2 ta gol urgan, xolos. Ayni damda Byelsani almashtiradigan eng yaqin nomzod sifatida sobiq "Leypsig" bosh murabbiyi Jesse Marsh ko‘rilmoqda.