Saudiya Arabistoni chempionatining 22-turi doirasida «An-Nassr» klubi o‘z maydonida «Abha» klubini qabul qildi.

Bahsning 37-daqiqasida mezbonlar Abubakarning goli evaziga hisobni ochishgan bo‘lsa, ikkinchi bo‘limning 69-daqiqasida esa Matich hisobni tenglashtirdi.

Uchrashuvning 78-daqiqasida mezbonlar ustozi maydonga Jaloliddin Masharipovni tushirdi. Hamyurtimiz o‘z jamoasi o‘yinini kuchaytirishga muvaffaq bo‘ldi va bir nechta xavfli hujumlarga asos soldi.

O‘yinga qo‘shib berilgan 7 daqiqa tugashiga 40 soniya qolganida Masharipov chiroyli pas bilan Abubakarni darvozabon bilan yakkama-yakka vaziyatga chiqarib yubordi va hujumchi bu imkoniyatdan samarali foydalanib, «An-Nassr»ga g‘alaba keltirdi.

Ushbu g‘alabadan so‘ng Masharipov jamoasi o‘z ochkolarini 44taga yetkazdi va jadvalda 2-pog‘onada bormoqda.