«PSJ» bosh murabbiyi Maurisio Pochettino yozda parijliklar safini tark etishi mukin. Bu haqda todofichajes nashri xabar bermoqda.

Manbaga ko‘ra, argentinalik mutaxassis Madridning «Real» klubi boshqaruviga kelishi mumkin. «Qirollik klubi»ning hozirgi bosh murabbiyi Karlo Anchelottining faoliyati madridliklar prezidenti Florentino Peresni qoniqtirmayapti. Shu sabab klub rahbariyati italiyalik mutaxassini mavsum oxirida ishdan bo‘shatishi mumkin.

Anchelottning o‘rniga asosiy nomzod sifatida Pochettino ko‘rilmoqda. Sababi ushbu mutaxassisning Parij klubidagi kelajagi ham noma’lum. «PSJ» yozda bosh murabbiylik lavozimiga Zinedin Zidanni tayinlamoqchi.

Pochettinoga da’vogar yana bir klub «MYU» hisoblanadi. Ingliz klubi ham yozda argentinalikni o‘z jamoasiga taklif qilmoqchi.