«ПСЖ» бош мураббийи Маурисио Почеттино ёзда парижликлар сафини тарк этиши мукин. Бу ҳақда todofichajes нашри хабар бермоқда.

Манбага кўра, аргентиналик мутахассис Мадриднинг «Реал» клуби бошқарувига келиши мумкин. «Қироллик клуби»нинг ҳозирги бош мураббийи Карло Анчелоттининг фаолияти мадридликлар президенти Флорентино Пересни қониқтирмаяпти. Шу сабаб клуб раҳбарияти италиялик мутахассини мавсум охирида ишдан бўшатиши мумкин.

Анчелоттнинг ўрнига асосий номзод сифатида Почеттино кўрилмоқда. Сабаби ушбу мутахассиснинг Париж клубидаги келажаги ҳам номаълум. «ПСЖ» ёзда бош мураббийлик лавозимига Зинедин Зиданни тайинламоқчи.

Почеттинога даъвогар яна бир клуб «МЮ» ҳисобланади. Инглиз клуби ҳам ёзда аргентиналикни ўз жамоасига таклиф қилмоқчи.