"Nyukasl" direktori Amanda Staveli "Lill" himoyachisi Sven Botman ingliz klubida o‘ynashni xohlashini aytdi, deb xabar beradi The Athletic.

Eslatib o‘tamiz, ushbu qishda futbolchiga "Milan" ham qiziqayotgan edi. Xabar qilinishicha, futbolchi va milanliklar allaqachon yiliga 2,5 million yevro maosh oladigan ikki yillik shartnoma borasida kelishib olishgan. "Tottenxem" ham himoyachini 2022 yilning yozida sotib olishni ko‘rib chiqmoqchi.

"Ba’zi futbolchilar bizga kelishni juda xohlashadi. Misol uchun, Sven Botman, u bu haqda juda ochiq gapirdi ", dedi Staveli.

2021/22 yilgi mavsumda Botman "Lill" safida 24 ta o‘yinda maydonga tushib, 3 ta gol va 1 ta golli uzatmani amalga oshirgan.