FIFA Rossiya terma jamoalarini xalqaro musobaqalarda ishtirok etishdan chetlashtirishni rejalashtirmoqda.
Reuters agentligining xabar berishicha, Xalqaro futbol federasiyasi UYEFA bilan Rossiya jamoalariga nisbatan sanksiyalarni kuchaytirish bo‘yicha muzokaralar olib bormoqda.
Tashkilot Rossiya terma jamoalarining faoliyatini vaziyat yaxshilanguncha to‘xtatib qo‘yish imkoniyatini o‘rganmoqda. Bugun UYEFA Rossiya futboliga oid bir qator masalalarni hal qilish uchun yig‘ilish o‘tkazishni rejalashtirgan. Bu yig‘ilish Toshkent vaqti bilan 22:00 ga belgilangan.













