«PSJ» hujumchisi Kilian Mbappening transferi «Real» uchun mutlaq ustuvor vazifa bo‘lib qolmoqda.

Goal.com nashri xabariga ko‘ra, «qirollik klubi» Kilian sabab boshqa futbolchilar bilan muzokaralar olib bormaydi.

«Qaymoqranglilar» avvaliga 23 yoshli fransiyalik futbolchining transferi bilan bog‘liq masalani yopish va shundan keyingina qolgan kelishuvlar ustida ishlash niyatida.

Eslatib o‘tamiz, Mbappening «PSJ» bilan shartnomasi 30 iyun kuni yakuniga yetadi, ya’ni u «Real»ga erkin agent sifatida o‘tishi mumkin.