«ПСЖ» ҳужумчиси Килиан Мбаппенинг трансфери «Реал» учун мутлақ устувор вазифа бўлиб қолмоқда.
Goal.com нашри хабарига кўра, «қироллик клуби» Килиан сабаб бошқа футболчилар билан музокаралар олиб бормайди.
«Қаймоқранглилар» аввалига 23 ёшли франциялик футболчининг трансфери билан боғлиқ масалани ёпиш ва шундан кейингина қолган келишувлар устида ишлаш ниятида.
Эслатиб ўтамиз, Мбаппенинг «ПСЖ» билан шартномаси 30 июнь куни якунига етади, яъни у «Реал»га эркин агент сифатида ўтиши мумкин.













