"Manchester Siti" bosh murabbiyi Xosep Gvardiola yarim himoyachi Riyod Maxrezning Angliya kubogi 1/8 finalida "Peterboro"ga (2:0) qarshi o‘yindagi harakatlari haqida fikr bildirdi. Bu uchrashuvda jazoirlik futbolchi gol urdi.
"Maxrez butun faoliyati davomida o‘ynagan pozisiyada o‘ynamoqda. Biz uning qanday fazilatlarga ega ekanligini bilamiz. Men u bilan faxrlanaman, chunki u futbol o‘ynashni yaxshi ko‘radi. Uning uchun futbol - bu kasb emas, bu quvonch", - deya Gvardiolaning so‘zlaridan iqtibos keltiradi BBC.
31 yoshli jazoirlik futbolchi joriy mavsumda APLda 20 ta o‘yinda maydonga tushib, 8 ta gol urdi va 4 ta golli uzatmani amalga oshirdi.