"Манчестер Сити" бош мураббийи Хосеп Гвардиола ярим ҳимоячи Риёд Махрезнинг Англия кубоги 1/8 финалида "Петерборо"га (2:0) қарши ўйиндаги ҳаракатлари ҳақида фикр билдирди. Бу учрашувда жазоирлик футболчи гол урди.
"Махрез бутун фаолияти давомида ўйнаган позицияда ўйнамоқда. Биз унинг қандай фазилатларга эга эканлигини биламиз. Мен у билан фахрланаман, чунки у футбол ўйнашни яхши кўради. Унинг учун футбол - бу касб эмас, бу қувонч", - дея Гвардиоланинг сўзларидан иқтибос келтиради BBC.
31 ёшли жазоирлик футболчи жорий мавсумда АПЛда 20 та ўйинда майдонга тушиб, 8 та гол урди ва 4 та голли узатмани амалга оширди.
