Angliya terma jamoasining sobiq hujumchisi Alan Shirer Angliya kubogi doirasidagi «Midlsbro»dan uchralgan mag‘lubiyat sabab «Tottenxem»ni tanqid qildi.

«Natijani tasodifiy deb bo‘lmaydi. «Shporlar» deyarli o‘ynamadi. «Midlsbro» London klubidan yaxshiroqdek ko‘rindi, ular ko‘proq harakat qilishdi va yetarlicha imkoniyatlar yaratishdi. Kris Uaylder («Midlsbro» ustozi) bunday o‘yindan keyin o‘z jamoasi bilan faxrlanishi mumkin. Ular chorak finalga chiqishga to‘liq munosib edilar», - deya Shirerning so‘zlarini keltiradi Goal.

Angliya kubogi 16-turidan o‘rin olgan «Midlsbro» – «Tottenxem» uchrashuvi qo‘shimcha bo‘limlarda chempionship vakillarining kichik hisobdagi g‘alabasi bilan yakunlandi. Yagona gol 107-daqiqada kiritildi.