Sky Sports xabariga ko‘ra, "Bavariya" "Midlsbro" himoyachisi Jed Spensga qiziqish bildirmoqda.

Manbaga ko‘ra, "Bavariya" skautlari "Nottingem Forest"da to‘p surayotgan 21 yoshli angliyalikni kuzatib borishmoqda. Qayd etilishicha, klub futbolchining o‘yinidan qoyil qolgan va yaqin vaqt ichida futbolchining transferi bo‘yicha muzokaralarni boshlashga tayyor.

2021/22 yilgi mavsumda Spens "Nottingem Forest" tarkibida 28 ta o‘yinda maydonga tushib, 2 ta gol va 3 ta golli uzatmaga mualliflik qilgan. Transfermarkt portali futbolchini 2,5 million yevroga baholamoqda.