Tomas Tuxel Roman Abramovichning «Chelsi»ni sotish qaroriga izoh berdi.
“Katta yangilik. Bu haqda gapirishga hali erta, chunki men hozirgacha "Chelsi"ni Roman Abramovich bilan tasavvur qilaman. Shuning uchun bu men uchun juda qiyin. Hali miyamga o‘rnashib ulgarmadi.
Biz bu haqda "Luton" qarshi o‘yinidan oldin gaplashmadik. Biz bu haqda gapirmadik, shunchaki vaziyatni qabul qildik.
Menimcha, bu haqda gapirishim kerak emas. Mening pozisiyam siz o‘ylaganchalik baland emas. Men bosh direktor yoki direktorlar kengashi a’zosi emasman. Shu bois klub vaziyatni biz va futbolchilar bilan muhokama qilishiga ishonaman.
Men juda xavotirda emasman, chunki bu yerda ishlash men uchun haliyam sharaf deb bilaman. Men eng yaxshisiga ishonaman va umid qilaman. Men ta’sir qila olmaydigan narsalar haqida qayg‘urmayman.
Bu katta yangilik, katta o‘zgarish. Lekin men hech qachon o‘zgarishdan qo‘rqmaganman. Men ta’sir qila oladigan narsalarga e’tibor qarataman. Bu mening shtabim va jamoam”, - dedi «Chelsi» ustozi.
