Ukraina terma jamoasining sobiq murabbiyi Andrey Shevchenko Ukraina armiyasiga qanday yordam berayotgani haqida gapirdi.
“Futbol men uchun endi yo‘q. Men bu haqda o‘ylamayman. Buning vaqti emas. Men hech narsa ko‘rmayapman, sport o‘yinlarini ham, futbollarni ham tomosha qilmayapman. Butun e’tiborim vatanimga yordam berishga qaratilgan. Uyg‘onganimdan so‘ng, vatanimga qanday yordam berishimni, nima qilishimni o‘ylayman.
Men dunyoga va Buyuk Britaniyaga murojaat qilmoqchiman. Iltimos, pul xayriya qiling. Klichko ham bu haqda gapirdi - bizga dori-darmonlar, oziq-ovqat kerak. Biz qo‘lingizdan kelgan barcha yordamga muhtojmiz. Har bir ukrainalik uchun dunyo qo‘llab-quvvatlashini his qilish juda muhimdir. Bu bizga juda kerak. Millat bu haqda gapirishdan to‘xtamasligi kerak. Ukrainadagi hamma sizni eshitadi. Ular sizning qo‘llab-quvvatlashingizni his qilishadi. Sizning qo‘llab-quvvatlashingizni eshitish biz uchun juda muhim», - deya Shevchenkoning so‘zlarini keltiradi Sky Sports.