Bugun Bekobod shahrida mamlakat XXXI milliy chempionati – Superliganing bayroqlari ko‘tariladi. “Metallurg” 1-turda Olmaliqning AGMK jamoasini qabul qiladi. Mazkur uchrashuv bekobdliklar uchun kuchlilar safidagi 695-o‘yinga aylanadi.

Ortda qolgan 694 uchrashuvning 232 tasini “Metallurg” o‘z foydasiga hal etgan. 140 ta uchrashuvda raqiblar bilan murosaga imzo chekkan. 322 o‘yinda esa imkoniyatni boy bergan. Kiritilgan va o‘tkazib yuborilgan to‘plar farqi – 850:1058.

“Metallurg”ning kuchlilar safidagi eng yirik g‘alabasi – 6:0 (2001 yil – “Semurg‘”, 2006 yil – “Xorazm”, 2016 yil – “Mash’al”). Eng yirik mag‘lubiyati – 0:7 (2003 yil – “Navbahor”, 2004 yil – “Nasaf”). Jamoa to‘purari Zohid Abdullayev. “Gennadiy Krasniskiy klubi a’zosi”ga aylangan Zohid Abdullayevning mamlakat chempionati va Kubogi bahslarida kiritgan jami gollari soni 112 ta.