Turinning «Yuventus» klubi «Lasio»da to‘p surayotgan 26 yoshli yarim himoyachi Mattia Dzakkaniga qiziqish bildirmoqda. Dzakkani «Lasio»da sotib olish sharti bilan ijara asosida o‘ynaydi. Hozirda uning huquqlari «Verona»ga tegishli. Ammo agar futboli Turin klubiga o‘tmoqchi bo‘lsa, «Yuve» nafaqat «Verona» balki Rim klubi bilan ham hisoblashishiga to‘g‘ri keladi.
«Keksa sinyor» futbolchiga taklif jo‘natmoqchi, ammo «Lasio» yetti million yevroga sotib olgan futbolchining narxini aytishga hali tayyor emaslar, deydi Corriere dello Sport.
Joriy mavsumda Mattia Italiya chempionatida 19 ta o‘yinda maydonga tushib, to‘rtta gol urgan.
