«Betis» bosh murabbiyi Manuel Pellegrini Ispaniya Kubogining yarim final javob uchrashuvi doirasida «Rayo Valyekano» (1:1) jamoasiga qarshi o‘yindan so‘ng jamoasining finalga chiqqani haqida fikr bildirdi.
- Bugungi natijadan juda xursandman, muxlislar uchun xursandman, ular bunga loyiq. Bunday ashaddiy muxlislar uchun 17 yil finalga chiqmaslik - juda uzoq muddat. Finalga chiqish - bu bizga Superkubokda o‘ynash imkonini beradigan yutuq. Keling, finalda g‘alaba qozonishga harakat qilaylik. Biz bugun finalga chiqa olmasligimiz ham mumkin edi, lekin bugun jamoa yetukligini ko‘rsata oldi, o‘sishda davom etmoqda. Rotasiya va yaxshi o‘yin tufayli «Betis» uchta turnirda qolmoqda. 0:1 hisobi qayd etilayotgan pallada jamoa umidsizlikka tushmadi va gol kutishdi. Biz hisobni ushlab turmasdan o‘ynashda davom etdik. Umid qilamanki, yakshanba kuniga qadar jamoa tiklanib, ajoyib mavsumni davom ettiradi va yakunda sovrinni kiritamiz, chunki sovrinlarsiz 17 yil juda uzoq”, — dedi Pellegrini Mundo Deportivo bilan suhbatda.
