«Бетис» бош мураббийи Мануэл Пеллегрини Испания Кубогининг ярим финал жавоб учрашуви доирасида «Райо Вальекано» (1:1) жамоасига қарши ўйиндан сўнг жамоасининг финалга чиққани ҳақида фикр билдирди.

- Бугунги натижадан жуда хурсандман, мухлислар учун хурсандман, улар бунга лойиқ. Бундай ашаддий мухлислар учун 17 йил финалга чиқмаслик - жуда узоқ муддат. Финалга чиқиш - бу бизга Суперкубокда ўйнаш имконини берадиган ютуқ. Келинг, финалда ғалаба қозонишга ҳаракат қилайлик. Биз бугун финалга чиқа олмаслигимиз ҳам мумкин эди, лекин бугун жамоа етуклигини кўрсата олди, ўсишда давом этмоқда. Ротация ва яхши ўйин туфайли «Бетис» учта турнирда қолмоқда. 0:1 ҳисоби қайд этилаётган паллада жамоа умидсизликка тушмади ва гол кутишди. Биз ҳисобни ушлаб турмасдан ўйнашда давом этдик. Умид қиламанки, якшанба кунига қадар жамоа тикланиб, ажойиб мавсумни давом эттиради ва якунда совринни киритамиз, чунки совринларсиз 17 йил жуда узоқ”, — деди Пеллегрини Mundo Deportivo билан суҳбатда.