Roman Abramovich boshqaruvidagi «Chelsi» transfer bozorida jahon futbolining eng katta figuralaridan biri bo‘lib, jami 2,34 milliard yevro sarflagan.

19 yil ichida 21 sovrin - bular Roman Abramovich klubga egalik qilgan vaqt davomida «ko‘klar»ning erishgan yutuqlari hisoblanadi. London klubi jahon giganti maqomini saqlab qolish uchun ko‘pincha qimmatbaho futbolchilarni sotib olishga majbur bo‘lgan.

Sky Sports nashri ma’lumotlariga ko‘ra, «Chelsi» rahbarlari to‘qqiz marta bitta o‘yinchi uchun 50 million yevro yoki undan ko‘proq mablag‘ sarflagan va bir marta 100 million yevrodan ko‘proq xarajat qilgan.

Eng qimmat xarid - 2021 yilning yozida «Inter»dan sotib olingan Romelu Lukaku.  Bu transfer londonliklarga 113 million yevroga tushdi. Ikkinchi va uchinchi o‘rinlarda esa Kay Xaverts va Kepa Arrisabalagaga sarflangan — 80 million yevro.