Роман Абрамович бошқарувидаги «Челси» трансфер бозорида жаҳон футболининг энг катта фигураларидан бири бўлиб, жами 2,34 миллиард евро сарфлаган.
19 йил ичида 21 соврин - булар Роман Абрамович клубга эгалик қилган вақт давомида «кўклар»нинг эришган ютуқлари ҳисобланади. Лондон клуби жаҳон гиганти мақомини сақлаб қолиш учун кўпинча қимматбаҳо футболчиларни сотиб олишга мажбур бўлган.
Sky Sports нашри маълумотларига кўра, «Челси» раҳбарлари тўққиз марта битта ўйинчи учун 50 миллион евро ёки ундан кўпроқ маблағ сарфлаган ва бир марта 100 миллион евродан кўпроқ харажат қилган.
Энг қиммат харид - 2021 йилнинг ёзида «Интер»дан сотиб олинган Ромелу Лукаку. Бу трансфер лондонликларга 113 миллион еврога тушди. Иккинчи ва учинчи ўринларда эса Кай Хавертц ва Кепа Аррисабалагага сарфланган — 80 миллион евро.
