«Chelsi» yarim himoyachisi Ngolo Kante London klubida rahbariyat almashishi haqidagi xabarlarga munosabat bildirdi. Eslatib o‘tamiz, Roman Abramovich «Chelsi»ni sotishga qaror qildi va allaqachon bir nechta takliflar olgan.

«Bu juda kutilmagan holat. Hamma narsa tezda sodir bo‘ldi. Futbolchilarga bunday jarayonlar ta’sir qilmasligi kerak. Bizning vazifamiz - maydonga chiqib, yaxshi o‘ynash.

Biz klub uchun, muxlislarimiz uchun yaxshi futbol o‘ynashimiz kerak. Keyin nima bo‘ladi? Buni vaqt ko‘rsatadi», - deydi Ngolo Kante.