Dortmundning «Borussiya» klubi hujumchisi Erlin Xoland «Oltin to‘p»ni qo‘lga kiritish imkoniyatini beradigan klubga o‘tmoqchi, deya xabar beradi Marca.
Manbaga ko‘ra, 21 yoshli norvegiyalik futbolchi futbol tarixiga kirmoqchi va «Oltin to‘p»ni qo‘lga kiritish uning uchun maqsadiga aylangan.
Qayd etilishicha, hujumchi o‘z xohishi haqida agenti Mino Rayolaga ma’lum qilgan.
Shu bilan birga, Xoland yangi klubida muhim rol o‘ynashni xohlaydi, shuningdek hujumchi qaysidir yulduz futbolchi bilan sheriklikda o‘ynashga ham qarshi emas.
Joriy mavsumda Xoland «Borussiya» safida 20 o‘yinda 23 ta gol urdi va 5 ta golli uzatmani amalga oshirdi. Hujumchining Dortmund klubi bilan shartnomasi 2024 yilning 30 iyuniga qadar mo‘ljallangan.
