Angliyaning "Liverpul" klubi bosh murabbiyi Yurgen Klopp Premyer-ligada har bir o‘yinda beshta almashtirishga ruxsat berish g‘oyasini qo‘llab-quvvatladi.
“Beshta o‘yinchi almashtirish - ajoyib. Biz bu haqda gapirishda davom etishimiz kerak, chunki boshqalar butun dunyoda shunday qilishmoqda. Bu futbolga yordam beradi.
Angliya Liga kubogi finalida «Chelsi»ga qarshi o‘yin - men ko‘rgan eng shiddatli o‘yinlardan biri.
O‘yining bu darajada qiziqarli kechishiga faqat beshta o‘yinchi almashtirishni amalga oshirish yordam berdi. Boshqa imkoniyat yo‘q edi.
Kubok o‘yinlarida beshta o‘yinchi almashtirish imkoniyatimiz borligi sababli, futbolchilarda kuch bor edi.
Biz buni rasman qabul qilinmaguncha muhokama qilishda davom etishimiz kerak, chunki bu zarur”, - dedi «Liverpul» bosh murabbiyi.
