Fransiyalik sobiq futbolchi Frank Lebyof Londonning «Chelsi» klubi bilan bog‘liq so‘nggi yangiliklarga izoh berdi. Xabaringiz bor, Roman Abramovich «Chelsi»ni sotishga qaror qildi. Abramovich umrining qariyb 20 yilini shu klubga bag‘ishlagan.
«Biz Abramovichni qadrlashimiz kerak, bu klub tarixidagi eng muvaffaqiyatli davr bo‘ldi. Uning ketayotganini anglash achinarli, u klubga ko‘p narsa berdi. Lekin Abramovich ketganidan keyin «Chelsi» o‘ladi deb o‘ylamayman.
Abramovichning moliyaviy imkoniyatlari «Chelsi»ga fantastik o‘yinchilarni sotib olish va sovrinlar yutish imkonini berdi. Abramovich klubga kelganida, «Chelsi» deyarli bir zumda butunlay boshqa sifat darajasiga erishdi. Uning effekti yashin tezligida bo‘ldi”, — dedi fransiyalik sobiq futbolchi.
