Франциялик собиқ футболчи Франк Лебёф Лондоннинг «Челси» клуби билан боғлиқ сўнгги янгиликларга изоҳ берди. Хабарингиз бор, Роман Абрамович «Челси»ни сотишга қарор қилди. Абрамович умрининг қарийб 20 йилини шу клубга бағишлаган.
«Биз Абрамовични қадрлашимиз керак, бу клуб тарихидаги энг муваффақиятли давр бўлди. Унинг кетаётганини англаш ачинарли, у клубга кўп нарса берди. Лекин Абрамович кетганидан кейин «Челси» ўлади деб ўйламайман.
Абрамовичнинг молиявий имкониятлари «Челси»га фантастик ўйинчиларни сотиб олиш ва совринлар ютиш имконини берди. Абрамович клубга келганида, «Челси» деярли бир зумда бутунлай бошқа сифат даражасига эришди. Унинг эффекти яшин тезлигида бўлди”, — деди франциялик собиқ футболчи.
