Turkiyalik tadbirkor Muhsin Bayroq Roman Abramovichdan «Chelsi»ni sotib olmoqchi.

2 mart kuni rossiyalik tadbirkor London jamoasining sotuvi haqida xabar bergandi.

Bayroqning vakili klubni sotib olishga qiziqishini tasdiqladi: «Biz ularga allaqachon taklif qilganmiz».

Bayroq kriptovalyuta, qurilish va energiya kompaniyasi AB Group Holding direktorlar kengashi raisi hisoblanadi.

The Guardian nashrining xabariga ko‘ra, «Chelsi»ni sotib olishga 10 tagacha turli tomonlar qiziqish bildirmoqda.

Ulardan biri "Los-Anjeles Dodjers" hamkori Todd Boeli va Shveysariyadan Xansyorg Vaysni o‘z ichiga olgan konsorsiumdir.

Ular Abramovichga 2,2 milliard funt sterling taklif qilishga tayyor. «Chelsi» egasi klub uchun 3 milliardga yaqin olishni rejalashtirmoqda.