"Rasing"dan "Barselona"ga o‘tgan ispaniyalik yarim himoyachi Pablo Torre transferi haqida ba’zi bir ma’lumotlar paydo bo‘ldi.

Unga ko‘ra, bir necha oy oldin "Real Madrid" Torreni olib kelish ishlarini yakunlashga uringan edi, ammo futbolchi qaror qabul qilishga shoshilmadi.

"Barselona" rahbariyati Mateu Alemani hamda Xavining aralashuvi Torre "Barsa"ga o‘tishga qaror qilishida asosiy sababchilar hisoblanishadi.

Ma’lumot uchun, kataloniyaliklar futbolchining transferi uchun 5 million yevro sarflashdi. U yozda katalon klubiga kelib qo‘shiladi.