«Liverpul» himoyachisi Ibrohim Konate mersisaydliklar klubiga o‘tishi haqida gapirdi.
“Ha, men Yurgen Klopp bilan ko‘chib o‘tishdan oldin ikki yoki uch marta gaplashdim. Agar Klopp sizga qo‘ng‘iroq qilsa, bu haqda ko‘p o‘ylaysiz. U shunchaki qo‘ng‘iroq qilmaydi. Biz men haqimda, shaxsiy hayotim haqida, shuningdek, u haqida, klub haqida, futbolchilarning ruhiyati haqida, hamma narsa haqida gaplashdik. Men undan o‘ynaymanmi yoki yo‘qmi deb so‘radim. «Ha, o‘ynaysan», dedi. U ko‘p o‘ynaysan deb va’da bermagan, bu hech qayerda va’da qilinmagan. Lekin men ko‘p mashq qilaman va bosqichma-bosqich tarkibdagi o‘rnimni qo‘lga kiritish uchun harakat qilaman. Nega men "Liverpul"da buni qila olmayman? Agar hammasi joyida bo‘lsa, yaxshi bo‘ladi, chunki men ko‘p mehnat qilaman», - dedi Konate Sky Sports bilan suhbatda.
Eslatib o‘tamiz, Konate «Liverpul»ga 2021 yilning yozida «Leypsig» klubidan ko‘chib o‘tgandi. Joriy mavsum 22 yoshli futbolchi 7 ta uchrashuvda maydonga tushdi.
