«PSJ» hujumchisi Kilian Mbappe o‘tgan yozda «Real» prezidenti Florentino Peres bilan kelajakda «qaymoqranglilar» safiga o‘tish borasida og‘zaki kelishuvga erishgandi, deb xabar beradi AS. Agar futbolchi fikrini o‘zgartirsa, bu xiyonat sifatida ko‘riladi.

Manbaga ko‘ra, o‘tgan yilning avgust oyida Mbappe parijliklar rahbariyatiga yangi shartnoma imzolashni rejalashtirmayotgani va uning pozisiyasi o‘zgarmasligini aytgan.

Futbolchi joriy mavsumda Fransiya chempionatida 24 ta o‘yinda maydonga tushib, 14 ta gol va 10 ta golli uzatmaga mualliflik qilgan.

Transfermarkt portali Fransiya terma jamoasi futbolchisini 160 million yevroga baholamoqda.