«ПСЖ» ҳужумчиси Килиан Мбаппе ўтган ёзда «Реал» президенти Флорентино Перес билан келажакда «қаймоқранглилар» сафига ўтиш борасида оғзаки келишувга эришганди, деб хабар беради АS. Агар футболчи фикрини ўзгартирса, бу хиёнат сифатида кўрилади.
Манбага кўра, ўтган йилнинг август ойида Мбаппе парижликлар раҳбариятига янги шартнома имзолашни режалаштирмаётгани ва унинг позицияси ўзгармаслигини айтган.
Футболчи жорий мавсумда Франция чемпионатида 24 та ўйинда майдонга тушиб, 14 та гол ва 10 та голли узатмага муаллифлик қилган.
Трансфермаркт портали Франция терма жамоаси футболчисини 160 миллион еврога баҳоламоқда.
