«Chelsi» futbolchisi Ris Jeyms kechagi «Byornli»ga qarshi o‘yindagi jamoasining g‘alabasi haqida gapirdi.

«Bu biz uchun quvonchli g‘alaba bo‘ldi, biz mehmonda o‘ynadik va 4:0 hisobida g‘alaba qozondik, ammo hisob o‘yin xarakterini aks ettirmaydi.

Birinchi bo‘lim juda qiyin bo‘ldi. «Byornli» yaxshi himoyalandi va ularga qarshi o‘ynash qiyin bo‘ldi. Ba’zida bunday uchrashuvlarda birinchi gol muhim bo‘lib, keyin esa hammasi reja bo‘yicha ketadi. Biz aynan shunday qildik.

So‘nggi o‘yinlarda ikkita qiyin raqibga qarshi o‘ziga xos jasorat topdik. «Liverpul»ga yutqazganimizdan so‘ng o‘zimizga keldik, buni qabul qilish qiyin edi, ammo uddaladik. Bu mavsumda bizni ko‘plab turnirlar kutib turibdi.

Men Premyer-ligada anchadan beri o‘ynamadim va ajoyib o‘yin ko‘rsatganimdan va jamoaga yordam berganimdan xursandman. «Byornli»ga qarshi o‘yinda oyog‘imga zarba qabul qilib oldim, lekin hozir hammasi joyida, biz keyingi uchrashuvni intiqlik bilan kutyapmiz" - dedi Jeyms.