Fransiyalik sobiq hujumchi va Belgiya terma jamoasi yordamchi murabbiyi Tyerri Anri «PSJ» futbolchisi Neymarning ruhiy salomatligidan xavotir bildirdi.
«So‘nggi intervyularida Neymar tez-tez sog‘lig‘i, bosim haqida gapira boshladi, shuning uchun mening birinchi savolim: «U yaxshimi?» Uning ko‘zlarida uchqun yo‘q, futboldan zavqlanmaydi. Uni eshityapsizmi? U yordam so‘raydi. U bilan nimadir sodir bo‘lmoqda», - dedi Anri L'Equipe.
Neymar Fransiya Liga—1’ning joriy mavsumida 13 ta o‘yinda maydonga tushib, 4 ta gol va 3 ta golga assistentlik qildi.
30 yoshli braziliyalik futbolchi 2017 yilning yozida «Barselona»dan rekord darajadagi 222 million yevro evaziga «PSJ»ga o‘tgan edi.
