«PSJ» Kilian Mbappeni saqlab qolish uchun rekord miqdorda mablag‘ sarflamoqchi. Xususan, fransuz nashrlarining ta’kidlashicha, klub bonuslarnii hisobga olmaganda futbolchining maoshi uchun yiliga 100 million yevro ajratishga tayyor.

Ayni damda muzokaralar olib borilmoqda. Avvalroq Mbappega bonuslarni hisobga olmaganda 50 million atrofida taklif qilingandi. 100 millionlik maosh futbolchini tarixdagi eng ko‘p maosh olgan futbolchiga aylantiradi.

Futbolchi Parij klubi rahbariyatiga aniq javob aytmagan, biroq «PSJ» rahbariyati futbolchining fikri o‘zgarishi mumkinligiga ishonmoqda.

Ma’lumot o‘rnida, Mbappe yozda «Real»ga tekinga o‘tishi mumkin. Klub uni erkin agent sifatida o‘z safiga qo‘shib olishni mo‘ljallamoqda.