«ПСЖ» Килиан Мбаппени сақлаб қолиш учун рекорд миқдорда маблағ сарфламоқчи. Хусусан, француз нашрларининг таъкидлашича, клуб бонусларнии ҳисобга олмаганда футболчининг маоши учун йилига 100 миллион евро ажратишга тайёр.
Айни дамда музокаралар олиб борилмоқда. Аввалроқ Мбаппега бонусларни ҳисобга олмаганда 50 миллион атрофида таклиф қилинганди. 100 миллионлик маош футболчини тарихдаги энг кўп маош олган футболчига айлантиради.
Футболчи Париж клуби раҳбариятига аниқ жавоб айтмаган, бироқ «ПСЖ» раҳбарияти футболчининг фикри ўзгариши мумкинлигига ишонмоқда.
Маълумот ўрнида, Мбаппе ёзда «Реал»га текинга ўтиши мумкин. Клуб уни эркин агент сифатида ўз сафига қўшиб олишни мўлжалламоқда.
