«Barselona» bosh murabbiyi Xavi Jerard Pike va Serxio Busketsning yana bir mavsum «Barselona»da qolishini istamoqda, deb xabar beradi Diario Sport. Shuningdek, «Barsa» bosh murabbiyi singari Jordi Alba ham tajribali futbolchilarning o‘yinidan hayratda qoldi.
Har ikki futbolchi ham faoliyatini yakunlash arafasida bo‘lsa-da, Kataloniya klubining asosiy o‘yinchilari hisoblanadi. Fevral oyida Pike 35 yoshga to‘ldi, iyul oyida Buskets o‘zining 34 yoshini nishonlaydi.
Pike «Barselona» bilan 2024 yilgacha mo‘ljallangan shartnoma imzoladi. Busketsning shartnomasi kelasi mavsum oxirida yakuniga yetadi.