«Барселона» бош мураббийи Хави Жерард Пике ва Серхио Бускетснинг яна бир мавсум «Барселона»да қолишини истамоқда, деб хабар беради Diario Sport. Шунингдек, «Барса» бош мураббийи сингари Жорди Альба ҳам тажрибали футболчиларнинг ўйинидан ҳайратда қолди.
Ҳар икки футболчи ҳам фаолиятини якунлаш арафасида бўлса-да, Каталония клубининг асосий ўйинчилари ҳисобланади. Февраль ойида Пике 35 ёшга тўлди, июль ойида Бускетс ўзининг 34 ёшини нишонлайди.
Пике «Барселона» билан 2024 йилгача мўлжалланган шартнома имзолади. Бускетснинг шартномаси келаси мавсум охирида якунига етади.