«Nyukasl» mavsum oxirida «Chelsi» himoyachisi Antonio Ryudigerni sotib olmoqchi.

29 yoshli futbolchi erkin agent sifatida «Stemford Brij»ni tark etmoqchi. «Ko‘klar» futbolchi va uning vakillari bilan ma’lum vaqtdan beri muzokaralar olib borishmoqda. Ammo hozircha shartnoma uzaytirish borasida kelishuvga erishilmagan.

Qayd etilishicha, himoyachi «Nyukasl» e’tiboriga tushgan. «Qarg‘alar» rahbarlari haftasiga 200 ming funt sterlingdan ko‘proq maosh olishni istayotgan o‘yinchi bilan shartnoma imzolashni istamoqda.

Ma’lumot o‘rnida, futbolchi «Chelsi»dagi faoliyati davomida Chempionlar ligasi, Yevropa ligasi, Superkubok va klublar o‘rtasidagi jahon chempionatida g‘olib chiqqan.