«Yuventus» hujumchisi Federiko Bernardeski jamoani erkin agent sifatida tark etishga yaqin turibdi. Bu haqda italiyalik jurnalist Nikolo Skira xabar tarqatmoqda.
Manbaga ko‘ra, Turin klubi 28 yoshli italiyalik futbolchiga maoshi 30 foizga qisqartirilgan uch yilga yangi shartnoma taklif qilgan va bu futbolchini qoniqtirmagan.
Futbolchining agenti Federiko Pastorello ayni damda bir qator ingliz klublari bilan muzokaralar olib bormoqda.
2021/22 yilgi mavsumda Bernardeski «Yuventus» safida 24 ta o‘yinda maydonga tushib, 1 ta gol va 6 ta golli uzatmaga mualliflik qilgan. Futbolchining klub bilan shartnomasi 2022 yilning iyun oyi oxirigacha amal qiladi.
