"Manchester Yunayted"ning angliyalik hujumchisi Markus Reshford bo‘lajak o‘yinlarga chaqirilmaydi.

ESPN xabariga ko‘ra, 24 yoshli angliyalik futbolchi bo‘lajak o‘rtoqlik o‘yinlari uchun Angliya terma jamoasiga chaqiruv olmaydi. Reshford bu mavsumda "Manchester Yunayted"ning asosiy jamoasidagi o‘rnini yo‘qotdi va terma jamoa bosh murabbiyi Garet Sautgeyt faqat o‘z klublarida barqaror o‘yin o‘tkazadigan futbolchilarni chaqiradi.

Eslatib o‘tamiz, ushbu mavsumda Markus Reshford Angliya ligasida 14 ta o‘yinda maydonga tushib, 4 ta gol urdi va 2 ta golli uzatmani amalga oshirdi.