«PSJ» bosh murabbiyi Maurisio Pochettino BT Sport’s Between The Lines nashriga bergan intervyusida «Tottenxem»ni o‘zi uchun alohida klub deb bilishini aytdi.

«Bu ajoyib sayohat, ajoyib vaqt edi. «Tottenxem» mening klubim, mening joyim. Haqiqatdan ham o‘z ishingizda mas’uliyatni his qilsangiz, muxlislar sizga hamma narsasini beradi, sizga yaxshi munosabatda bo‘ladi, buni unutib bo‘lmaydi. «Tottenxem» men uchun har doim o‘zgacha klub bo‘lib qoladi», - deydi Pochettino.

Pochettino London klubidagi faoliyati davomida 2018-19 yilgi Chempionlar Ligasi finali va 2014-15 yilgi Angliya Kubogi finaliga chiqqan.