Buyuk Britaniya hukumati Londondagi «Chelsi» muxlislarining sanksiyalar ostida qolgan jamoa xo‘jayini, rossiyalik tadbirkor Roman Abramovichni qo‘llab-quvvatlashini bildirgan harakatlarini ma’qullamaydi.
Bu haqda juma kuni Buyuk Britaniya raqamli, madaniyat, media va sport vaziri o‘rinbosari Kris Filp ma’lum qildi.
«Men muxlislarning futbol klublariga nega bog‘langanini tushunaman, lekin kecha ertalab Roman Abramovichga sanksiya qo‘llandi. Men "Chelsi" muxlislarini hurmat qilaman, Abramovich klub uchun juda ko‘p ish qilganini bilaman, lekin Ukrainadagi vaziyat futboldan ko‘ra muhimroq. Men o‘zim ham futbol muxlisiman, shunchaki shuni yodda tutishlarini so‘rayman”, dedi Filp Times radiosiga bergan intervyusida.
