Буюк Британия ҳукумати Лондондаги «Челси» мухлисларининг санкциялар остида қолган жамоа хўжайини, россиялик тадбиркор Роман Абрамовични қўллаб-қувватлашини билдирган ҳаракатларини маъқулламайди.
Бу ҳақда жума куни Буюк Британия рақамли, маданият, медиа ва спорт вазири ўринбосари Крис Филп маълум қилди.
«Мен мухлисларнинг футбол клубларига нега боғланганини тушунаман, лекин кеча эрталаб Роман Абрамовичга санкция қўлланди. Мен "Челси" мухлисларини ҳурмат қиламан, Абрамович клуб учун жуда кўп иш қилганини биламан, лекин Украинадаги вазият футболдан кўра муҳимроқ. Мен ўзим ҳам футбол мухлисиман, шунчаки шуни ёдда тутишларини сўрайман”, деди Филп Times радиосига берган интервьюсида.
