Бразилиялик афсонавий футболчи Роналдо Лионель Месси ҳақида ўз фикрларини билдириб ўтди. Жазоирга қарши ўйинда ҳет-трик қайд этган Месси Жаҳон чемпионатлари тарихидаги голлар сони бўйича Мирослав Клозенинг рекордини такрорлади (иккаласида ҳам 16 тадан гол).
«Футбол худолари учун бу унинг қолган барчадан устун эканлигини исботловчи статистикадир. Агар кимдир Жаҳон чемпионатлари тарихидаги энг яхши тўпурар унвонига лойиқ бўлса, бу шубҳасиз Мессидир. У 38 ёшда, тавба! Мен 38 ёшимда фаолиятимни якунлаганимга тўрт йил бўлганди ва вазним 120 килограммни ташкил этарди», — дея Роналдонинг сўзларини келтиради The Touchline нашри.
Душанба куни Аргентина терма жамоаси Жаҳон чемпионати доирасида Австрияга қарши майдонга тушади.
