Ўтган ҳафта охирида Мадриднинг «Атлетико» клуби ҳужумчиси Хулиан Альварес клуб раҳбариятига жамоани тарк этиш вариантини кўриб чиқаётганини маълум қилди. Бу ҳақда Sport.es нашри журналисти Уго Скоччиа хабар берди.
Манбага кўра, аргентиналик футболчи бир неча ой аввал томонлар ўртасида эришилган келишувга амал қилинишига умид қилмоқда. Унга кўра, агар «Барселона» трансфер учун 90–100 миллион евро таклиф қилса, «Атлетико» Альваресни каталонияликлар сафига қўйиб юборишга тайёр.
22 июнь куни Альварес омма олдида ҳам «Атлетико»ни тарк этиш истагини билдирган. У 2024 йил ёзидан буён мадридликлар шарафини ҳимоя қилиб келмоқда.
Маълумот учун, 25 ёшли ҳужумчининг «Атлетико» билан амалдаги шартномаси 2030 йилнинг ёзига қадар мўлжалланган.













