«Bavariya» hujumchi Tomas Myuller bilan shartnomani uzaytirish borasida faol muzokaralar olib bormoqda.

Bild nashri xabariga ko‘ra, hozirda muzokaralarga jamoa rahbarlari Oliver Kan va Hasan Salihamidjichning betobligi to‘sqinlik qilmoqda. Muzokaralarda shaxsan «Bavariya» bosh murabbiyi Yulian Nagelsmann muhim rol o‘ynamoqda, u futbolchini jamoada saqlab qolmoqchi.

Hujumchining amaldagi shartnomasi 2023 yilning iyunigacha mo‘ljallangan.

32 yoshli futbolchi joriy mavsumda barcha turnirlarda 35 ta o‘yinda maydonga tushib, 12 ta gol va 22 ta golli uzatmani amalga oshirdi.