«Бавария» ҳужумчи Томас Мюллер билан шартномани узайтириш борасида фаол музокаралар олиб бормоқда.

Bild нашри хабарига кўра, ҳозирда музокараларга жамоа раҳбарлари Оливер Кан ва Ҳасан Салиҳамиджичнинг бетоблиги тўсқинлик қилмоқда. Музокараларда шахсан «Бавария» бош мураббийи Юлиан Нагелсманн муҳим роль ўйнамоқда, у футболчини жамоада сақлаб қолмоқчи.

Ҳужумчининг амалдаги шартномаси 2023 йилнинг июнигача мўлжалланган.

32 ёшли футболчи жорий мавсумда барча турнирларда 35 та ўйинда майдонга тушиб, 12 та гол ва 22 та голли узатмани амалга оширди.