Rossiyalik foydalanuvchilar endi Premyer-liga rasmiy fentezisida ishtirok eta olmaydi.
Premyer-liga Rossiyadan bo‘lgan barcha ishtirokchilarni olib tashladi. Juma kuni ijtimoiy tarmoqlarda foydalanuvchilar o‘z akkauntlari o‘chirilgani haqida xabar bera boshladi.
Ma’lum qilinishicha, gap 12 mingga yaqin akkaunt haqida ketmoqda. Shu bilan birga, foydalanuvchilarning o‘zlari o‘z profillarini o‘chirish sabablari haqida bildirishnoma olmagan.
Shu hafta boshida Premyer-liga Rossiyada o‘yinlarni translyasiya qilishni to‘xtatishini e’lon qilgandi.